Чин освящения памятника ГЕННАДИЮ НЕВЕЛЬСКОМУ
Диакон: Благослови, Владыко.
Архиерей: Благословен Бог наш, всегда, ныне и присно и во веки веков.
Хор: Аминь.
Диакон: Слава Тебе Боже наш, слава Тебе.
Хор: Царю Небесный…
Диакон: Святый Боже… (Трисвятое…по Отче наш)
Св.: Яко Твое есть царство…
Тропарь, глас 4:
Хор: Днесь, благоверные людие, светло празднуем, осеняеми Твоим, Богомати, пришествием, и к Твоему взирающее пречистому образу умильно глаголем: покрый нас честным Твоим Покровом, и избави нас от всякого зла, молящее Сына Твоего Христа Бога нашего спастися душам нашим.
Диакон: Господу помолимся.
Хор: Господи, помилуй.
Архиерей: Господи Боже Вседержителю, Боже отец наших, благослови и освяти памятник сей, в честь мореплавателя, флотоводца и исследователя земель дальневосточных адмирала Российского Геннадия Невельского. Ты бо еси освящение наше, и Тебе славу возсылаем, Отцу и Сыну и Святому Духу, ныне и присно и во веки веков.
Прилагается молитва за Отчизну:
Молитва за Отчизну
О, премилосердный Господи,
Боже щедрот, и Отче всякаго утешения!
Не отврати лице Твое от народа Твоего, и не посрами чаяния нашего:
уповающе на Тя, молимся Тебе,
и молящеся на щедроты Твоя уповаем.
Сохрани под кровом Твоея благости Отчизну нашу,
посети ю благостию Твоею, Господи:
явися всем народам, ю населяющим, богатыми щедротами Твоими: благорастворены и полезны воздухи всем даруй,
дожди мирны земли ко плодоносию даруй:
благослови венец лета благости Твоея:
утоли раздоры церквей, угаси шатания,
и еретическая возстания скоро разори силою Святаго Твоего Духа: всех нас приими в Царство Твое,
сыны света и сыны дне показавый,
Твой мир и Твою любовь даруй нам, Господи Боже наш,
вся бо воздал еси нам.
Ты бо един веси, еже требуем,
и прежде прошения подаеши, и дарования утверждаеши,
и всяко даяние благо, и всяк дар совершен свыше есть,
сходяй от Тебе, Отца светов:
Тебе слава и держава
со Единородным Твоим Сыном,
и Всесвятым и Благим и Животворящим Твоим Духом,
ныне и присно, и во веки веков.
Аминь.
|